Transcription
1
Monsegneur, je vous ay escrit du jour dhyer par ung homme
2
d’Avignon estant venu ce soir en ceste ville pour faire lever
3
larrest qui sest donné pour le sel. Je men suis volu partir
4
sans vous faire encor ce mot par la voye de la poste de cestedite
5
ville craignant que lhomme d’Avignon ne soit pas party si
6promptement quil [barré : luy ] nous promettoit, je ne vous puis dire
7
autres novelles après mes precedentes lettres, sinon que lon crainct
8
novelle elevation darmes ez provinces de par deça. Je croie
9
sans cesse pour occasion du sejour que les companies de gens
10
de cheval font en Daulphiné, mais ie ny puis faire autrement
11
remedier que par ce que le roy vous en a escrit cy devant
12
et despuis à ceulx en Contat par Antragues qui me
13
dict que le roy a pourveu ses jours passés au gouvernement
14
de Champagne à ce quil ne fut plus manyé des gens de guerre
15
passans et sejournans et que bien tost on viendra aux affaires
16
du Daulphiné pour y remedier quant à ce poinct et pour
17
pourvoir à lestat dudit pays et à tout le contenu de mon cayer.
18
Monsieur d’Evènes est ordinairement après monsieur de Sauve
19
pour avoir les mandementz pour faire monstre à votre
20
companie et à celle de monsieur de Nemours ; et pour le surplus
21
des deniers pour les vous faire assigner du moins en payement
22
de voz arrerages, mais il nen avoir encor peu faire parler.
23
Nous faisons depecher les lettres doffices de conseliers pour monsieur
24
Mercier et pour monsieur Vincent, pour lequel monsieur de Langes
25
nous a escrit. Celuy de feu monsieur Volnet est supprimé.
26
A mon très grand regret, on tarde beaucoup dordonner les
27
affaires de votre gouvernement. On m’avoit dict hyer qu’on
28
y avoit commencé quelque chose et ainsi lavois-ie escrit à
29
monsieur le contreroleur Lyonne, mais iay sceu que monsieur de
30
Limoges qui le m’avoit dict s’est fally. Si nous avions yci
31
ung gouverneur comme ont ceulx de Champaigne noz affaires
32[barré : noz aff ] ne se trouveroint pas si recullés. Je nay pas encor
33
Sceu si monsegneur le prince daulphin est arrivé en ceste ville.
34
On lattendoit à la court il y a desia deux jours. Je vous baise
35
les mains et prie Dieu,
36
monsegneur qui vous conserve en très longue et heureuse vie.
37
De Paris, ce XXIIIIe janvier 1574. Votre très humble serviteur
38
So de boczosel
39
Madame la comtesse de Grignan
40
est arrivé en ceste ville. Je la verray
41
aujourdhuy advant que ie retourne.